Tesla近況 – 2022年12月15日

我自己自從800蚊拆股前賣出全部Tesla之後一直都冇再買賣。

Elon要搵中國CEO接佢個位，跟住專注攪Tweeter。其實Tesla如果冇左Elon要成功一啲都唔易。始終造一樣新發明，除左知識同錢之外，最重要係無比既堅毅。Elon應該係世界上極少數3樣野都有既人。而最重要堅毅既特質係冇乜可能搵人代替到。

新CEO最多都係好似Tim cook接替蘋果咁，賺到錢，不過冇乜innovation。

問題係Tesla唔係蘋果，競爭對手好多。車要賺大錢要靠軟件。暫時除左full self driving之外，唔知仲有乜軟件可賣。可能係starlink或者其他相關業務。

冬天黎到，除左油車，電車既問題仲大，電池係嚴寒下表現大打節扣。令外，其他車廠都出好多平既電車。Tesla仲可唔可以維持定價成疑問。

再者，democrats選舉得利，Elon打正旗號同左派過唔去，Tesla都會受政治打壓。

至於大圍加息，科技公司裁員，crypto風聲鶴唳，一班Tesla既準買家都唔多好景。

最後Elon自己都繼續出貨。投資者要買真係要有好大勇氣同信心。