Tesla業績 – 2023年7月22日

好耐都冇講Tesla，營業額同盈利都好過預期，但業績係唔係真係好呢？

營業額大幅增長，但盈利增長細，毛利率更加係跌緊。簡單睇係Tesla都要減價促銷。以前大家睇好既其中一個原因係訂單多到做幾年都做唔晒，但依家現實係要減價維持銷售額。

我幾年前都訂左cybertruck，但一路唔出，同埋係英國揸車耐左，發現好多窄路，揸大太架車始終唔方便，所以最後取消訂單。

當年俾100鎊就可以預訂，Tesla預訂數其實好大部份要cut單一啲都唔難。所以幾十萬甚至百萬既訂單絕對有水份。另外，近期強國經濟差也影響銷售。

歐洲，美國加息，通脹大，轉車都盡量推遲。

加上Elon Musk收購twitter，又攪spacex等其他公司。同時仲搵埋Tesla員工去其他公司幫手。對Tesla發展都有負面影響。

要繼續睇黎緊1-2季毛利率會唔會再跌，如果再跌，咁都好難支持咁貴既股價。