電信公司債 – 2022年4月3日

雖然俄烏戰爭接近尾聲，但今年投資取向保守既大方向不變。股票繼續適量short call手上持股，同時慢慢買入債券。

電信係世界大部分地區都係比較穩定既事業。競爭大，收入有壓力，令到電信業股票走勢大部分都跑輸整體市場。但買債券既目標係只要公司唔執笠就有錢收。睇翻過往咁大年，電信公司既少執笠，大多係財政麻麻時轉手。

今日講既意大利電信，廿幾年前係政府資產，之後私有化，上市。表現同香港既電信盈科差唔多。都係食老本公司。但都叫做歐洲第6大電信。做mobile，上網，睇波，唔會發達，又唔係咁易執笠。

最近有傳消息轉手。轉手通常都係去個大啲既碼頭或合併，債券會更加穩陣。就算唔轉手，防守性都唔差。依家7.x%，唔算超高，不過只要利息唔升過5%都有利可圖。

暫時睇今年年底美國加息到2.5%。不過隨著俄烏戰爭結束，睇下有冇機會通脹回落，到時加息慢返，債價又會回升。所以分套買比較安全，同時留意利息走勢。