舊經濟股 – 2020年11月11日

今個星期舊經濟股發威，跑贏科技股。我自己長線睇好科技股。早幾個月前寫左文由舊經濟股轉科技股，又黎回顧下。

因為我自己本身舊經濟佔組合太重，科技股好多估值太貴，舊經濟股大部份估值好平。我減持舊經濟股既次序主要睇前景先。收入長線負增長，太過受疫情影響既會減持先。

例如Disney，CPRI，跟住買入ARK，Tesla，Microsoft ，Facebook等等。問題係減持完後冇全筆錢入貨，都係分段入。但科技股升得太快，所以越買越少。

依家睇返轉頭，同一筆錢第一時間買晒會賺多好多。不過買股票都係要有耐性，急唔嚟。

錯有錯著，組合淨返既舊經濟股（例如煙仔股同軍事股），有啲既收入一路升，但係股價一路跌，所以之前冇賣，都仲有一部份今個星期升得好勁。

不過無論科技股又好，舊經濟股又好，最基本要睇既係revenue同income都有增長。

另外早前有網友問Bonds，我依家揸得好少。但有打算增持，不過bonds好貴，要慢慢睇，或者bonds ETF。