2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

Transferwise Borderless Account走資 – 2020年7月24日

credit cards

Transferwise有分香港戶口同 Transferwise Borderless Account。香港戶口基本上係廢既。全球戶口可提供包括澳元,歐元,英鎊,紐西蘭元,新加坡元及美元用你名提供當地銀行戶口。仲有debit card可隨時用你戶口既錢簽帳或當地ATM提款。

雖然Monzo轉錢個rate超平,不過如果Transferwise有個戶口可以有晒以上6種主要貨幣直接俾debit card消費用。同時可響以上6個地方經當地金融機構用當地貨幣直接轉錢入你名下既戶口唔使做電匯,又免費,又快左,真係幾吸引。不過用Transferwise既戶口用當地貨幣轉錢去當地金融機構都有少少收費。以上戶口全部冇利息收。

開戶口免費,要BNO。要用VPN去左英國先。Debit card收5鎊。要英國地址收卡,PO BOX唔得。如果大家想要詳細教學,可以去討論區留言通知我,我會盡快做。ATM提款每月超過200鎊,要收2%,超貴,不過其實好多地方都用卡,唔用現金。要開通每個地方既當地戶口要係Transferwise App透過credit card,Apple pay等增值20鎊去每一個地方想開既戶口,增值完既錢會留返戶口返你用。如果開晒6個戶口加埋就120鎊。同時Transferwise戶口本身都有提供好多其他貨幣既存款功能。例如你係個App度convert左做日元,你簽日元佢就用返你日元既結餘,好處係換外幣時一早鎖定利率。當然除咗以上6個國家嘅貨幣外,其他地方只提供存款功能,並冇提供當地戶口號碼俾你直接入錢。

Monzo用左咁耐都好滿意,至於Transferwise Borderless Account係點,暫時睇落唔差。例如你有新加坡離岸戶口,可以直接入錢入去。或者澳洲有樓收租又可以入錢入去。甚至Charles Schwab賺左錢,又可以經美國轉錢入去。然後攞住張debit card去到全世界消費都冇問題。至於實際係點會用耐啲再出文分響。按連結開戶有免手續費優惠。