如何保障債券投資 – 2023年9月20日

早幾個月美國中小型銀行爆煲時，證券行都風聲鶴唳。點樣保障投資係唔可以忽視嘅課題。

於是開始將資產分體唔同嘅證券行戶口，但咁做都唔可以完全減低曬所有嘅風險。於是再開始研究有冇其他方法。

美國政府有TreasuryDirect系統。可以將自己名下嘅債券放喺美國政府度。好處係政府保管應該危險度大減。

唔好處係唔可以隨時買賣，同埋冇孖展。不過如果債券係長線投資都唔需要經常買賣。亦都唔係每個投資債券嘅人都要用孖展。至於具體操作係點我都仲研究緊，有機會下次再分享。