2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

英國買車 – 2020年10月5號

Honda

日日都好忙,冇乜時間睇美股,淨係望一望科技股又升到顛。Trump咁快又出院,做淡輸到渣到冇。不過大升我就唔買,唔賣。除非有啲股票本身發生好大問題,如果唔係真係唔會賣,長揸慢慢供先賺到錢。大跌就係入貨時機。

英國大部分野都好平,除左稅同交通。搭火車20分鐘都80蚊港紙。特別係住小鎮,車接近必須品。不過香港車牌要住半年先換到英國牌。用香港牌係英國揸車冇問題,唯一分別保險雙倍。最平保險8000港幣,最貴4,5萬都有,分分鐘一年保費貴過架車。

除左車牌外,仲有乜因素影響保費?第一樣就係環保,電車或慳油車常保險同稅都平。另外,日本車比歐洲車保險平,應該同車價同維修費用同可靠度都有關。最後就係一般車主既背景等等。

最後揀左架Jazz,2萬港幣加8000保費加1500稅。係英國半年後轉左英國牌再考慮使唔使換架歐洲靚車。

第一架用cheap雞日本車除左保費平,第日換新車有政府或車廠補貼,賺返車價,如果轉電車應該補貼仲多。所以香港人初到英國揸日本平價二手車係好抵。就算半年後唔想換車,你轉返英國牌,保費可能即刻落到3000左右,進可攻,退可守。

當然如果揸手波車,車價又再平一截。