英國生活 – 2021年9月13日

英國比香港生活簡單，但住耐左其實幾多野都幾好。

如果你鍾意戶外活動同體育就岩晒，好似今日去打籃球，個場免費又冇人同你爭。打幾耐都得。網球，足球好多又係免費任打。游水同gym再加任上course一個月300港紙，抵玩。另外，可以將獨木舟或單車裝上車度，四圍去玩都得。又有露營或farmstay，有平有貴。

放假去華人超市買肥牛，響玲打邊爐，再加北寄貝刺身超正。雖然差過日本少少，不過算係幾好。

另外又參加左country dance班，雖然全部都係老人上堂，但個個都好nice。

黎緊咁多香港人黎左英國，應該會越嚟越多香港人鋪頭。生活上更加接近以前既香港。

當然最近都有啲唔好野，揸車係條30miles既路揸左36miles即刻告票100鎊。去申請英國車牌3個月先覆，跟住話整唔見左我張香港車牌。真嘔血。個National insurance申請左4個月影都無。英國效率加covid，簡單講大鑊。係英國好多野等到就等，等唔到都係等。