點開始投資美股 – 2020年1月9日

上次講左投資美股既好處。今次講點買美股。

市面上有好多經紀同銀行都可以買賣美股。香港銀行同股票行唔係收費太貴就太細驚佢執笠，所以唔考慮。美國股票行都有好多俾多國人開戶，收費好多好平，甚至乎免費。Interactive brokers(IB)係一路用開，借錢平，股票，期權，ETF, 債券，優先股，差唔多乜都有，多國市場選擇，唔好處係香港Interactive Brokers冇美國政府保障，得香港政府15萬港幣保障。仲有借錢要用IB PRO戶口，最少10萬美金開戶。開戶記得填wben8可以免去美國以外收入既withholding tax。大戶每年可以申請美國稅務戶口再退稅。

其他Charles Schwab, Firstrade都有美國政府保障50萬美金，不過借錢利息貴。借錢對於資產增值絕對重要，所以都會繼續用IB。遲些會再講多啲借錢既方法同分享。