2021 年 9 月 28 日

美股投資頻道

#投資 #美股 #債券 #REITs #期權 #物業 #優先股

衝上太空 – 2020年8月5日

discovery

大家如果有留意討論區,會見到除咗大路科技股外,我都有投資一啲細細隻嘅科技股。例如星期一買左Virgin Galactic。

依家太空股得2隻,一隻SpaceX,另一隻Virgin Galactic。SpaceX係Elon既杰作,未上市,估值44B以上。Virgin Galactic舊年10月開始係NYSE交易,當時10蚊左右,Social Capital有大約一半股權。

Chamath Palihapitiya係Virgin Galactic既Chairman,持有16%股份。細個係有錢仔,跟住走難去加拿大,之後Waterloo畢業,做過Facebook高層,投資Tesla,Bitcoin同其他高科技公司。係科技投資界,投資眼光好唔錯。佢投資得既野一定做過Due Diligence。

SpaceX主力做將火箭射上太空再降落地球回收。Virgin Galactic做既係將太空船靠飛機帶上高空,再放出太空船射上太空再降落地球。暫時下年正式開始運作帶客人上太空旅遊。

佢哋公司一路講係做太空旅遊,但我覺得攪咁多野唔會淨係做太空旅遊。公司唔想咁早透露目的可能驚俾人抄。個人覺得太空旅遊可以做,但未必係最賺錢既項目。其實如果做到個技術,可以用嚟做軍事偵察機,高速私人飛機,運太空人去太空等等。

當然大前題係真係成功飛到,暫時佢哋已經pass左美國航天局27個測試,仲有最後2個測試過埋就可以正式運人上太空。

上太空係燒錢既玩意,市值5B,少注買入,明朗後可以再睇加碼定斬倉。