Walmart步步進迫 – 2021年2月16日

Walmart算係其中一隻主流股價唔貴既股票，適合追求低風險既投資者。

之前文章講過，依家買股票基本要求係唔受疫情影響，因為你唔知仲有幾多波疫情，疫苗有冇效等等既問題。最好既股票係有冇疫情都要有增長。Walmart算係其中一隻。佢賣生活必需品，封Walmart仲大件時過政府停擺或封關。所以風險極細。睇返30年股價圖都係一條線上，當然同Amazon或Tesla係冇得比。

另外，佢哋2020年9月出左既Walmart+追擊Prime，現在有1400萬subscribers，年費$98。年費收入第一年已經接近總收入10%。同時間又令到sales大增。食晒疫情條水。

佢哋實體店會繼續穩定增長。而online channel同Walmart+會幾爆炸性同食左部分Amazon既客。係美國Walmart既實力會好強。

再者Walmart係傳統自由黨金主，政策上都贏。

最近Biden提既$15蚊最低工資，一開始睇係對Walmart負面，但再搵下資料原來Walmart既平均工資就係$15蚊。真係準到冇朋友。所以其實係用嚟夾Walmart既對手，迫佢哋增加成本。絕。

2月18號出業績，有晒以上利好因素，中短期股價應該再上。長線如果覺得利潤唔夠，可以short 140蚊put再加148-150 short call。一個星期執多＄2-3蚊。一年52星期都執$100-150蚊。悶住贏。