Walmart業績 – 2022年7月26日

Walmart出業績，預測利潤跌11-13%。

Walmart係美國生活必需品零售商，亦係世界最大零售商。係通脹大升情況下，利潤跌，代表成本上升，加價又加唔到。

美金今年一路升，Walmart來貨成本應該係平左。當一半貨外國入口，美元指數升左15%，除一半，淨匯率一年應該賺多7.5%。當然要睇返存貨平均幾耐，流轉率高既應該坐路到一年。但匯率對Walmart係利好因素。

Revenue都升左5%左右。即係賣貨賣多左。都係利好因素。

到利淡因素，物流混亂，油價高，貨運，存倉成本上升。

入貨價上升，作為全球最大零售商，來價貨上升亦都唔能夠避免。

一堆利好同利淡因素加埋，最後係賺少11-13%。

今年預計每股賺6.39。仲未計黎緊加息再收縮利潤因素。除非大家估響不久將來減息，或者Walmart有能力加價提高利潤，或者睇好長線。如果簡單計20倍PE即$100-120左右，仲要利潤每年減10%以上，真係一啲都唔吸引。Amazon都好可能同Walmart一樣面對同樣問題。而且送貨上門成本應該上升得更快，油價勁升，就算用電車，電費同司機成本一樣爆升。Amazon應該好快出業權後又再血流成河。