2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

巴菲特投資日本 – 2020年9月4日

banks

巴菲特今年既投資成績真係麻麻。不過投資係睇長線,長線睇,其實佢都仲係少有淨靠投資起家既人。

睇返佢近幾年前買Apple,疫情後賣左好多銀行同航空股。雖然保守得滯。但大致上既決定都係岩。Apple都升得好好。

再睇返今個星期佢買伊藤忠商事、丸紅、三菱商事、三井物產和住友商事。全部都係conglomerate,即係有啲似以前和黃,乜都有。共通點係呢啲公司都係好多投資係外國。

投資日本其實唔係咁易玩,特別係你唔識日本文化同日文。如果巴菲特淨做投資唔參與公司方向,咁就好啲。見佢買既係PE 10,派息3-5%,因疫情冇乜或者負增長既公司。特別係日本舊式同傳統公司。老男人話事,但呢啲話事人好多都未必跟得上時代,做生意30年如一日,其實唔容易發圍。外國人更加唔可以指手畫腳。所以我唔係睇得咁好。

牌面睇真係冇乜吸引力。不過可能有啲野佢知我唔知。例如美日聯盟加強,如貿易,經濟,出入口,製造業等等。或者佢睇Yen會升。或者只不過係現金太多,搵啲野買下,不過60億美金,相比佢千幾億現金真係唔算係錢。大家可以睇下佢揸住千幾億美金做點。因為完全唔做野,放係度都唔係辦法。