2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

巴菲特的啟示 – 2020年5月17日

sea

股神最近好多動作,不過同以往大跌市唔同,揸千幾億美金,就算聯儲局印錢紙同救市,佢都選擇不停走貨,大家一定要小心背後既信息。

首先,佢跌市就買航空股,然後即刻反手散貨。我自己睇航空股好難好似以前咁多乘客同貨運,但個別航空股有機會做得更好。首先外在因素,中美脫勾,英國脫歐,4個差唔多全世界最大經濟體人流同貨流都會比以前少左。另外,疫情始終會停,但係經濟差,公司裁員減少開支同business trip,個人層面冇工返,同驚中招都會減少旅遊。航行既需求係幾年內都好難去到以前更高既水平。利好既係,今次一疫,可能有3份1到一半既航空公司執笠。淨返既有機會再合拼,減少價格戰。油價大跌亦可以減低好多成本,當然香港成日炒油唔知輸幾多十億嗰間航空公司唔計。所以成個格局係個餅細左,但係爭食既人都少左好多。我睇5年後未必好淡,不過我自己唔會買。

另外,亦左減持高盛Goldman Sachs(GS)。暫時佢仲持有American Express (AXP),Bank of America (BAC),PNC Financial (PNC),Wells Fargo (WFC)。如果我係巴菲特,我會走BAC同WFC先,一來銀行放數始終風險高,利息又唔多,依家仲成日吹負利率,放數都唔知點賺錢,跟住銀行焗住攞晒啲錢去炒股或債劵,分分鐘輸獲金。反而,佢選擇第一走GS。GS主力做幾樣野,首先IPO當然唔好,做M&A既暫時停晒,不過最尾一季有可能好返啲,炒股部應該起碼都打個和,唔使大輸,炒油部可能輸得多過中銀,至於放數俾油股,地產同埋一啲大家都唔知咩既野有機會輸好多。所以最有機會大輸既係炒油同放數。

無論如何,巴菲特要斬倉既大家都唔應該去接貨。不過如果我好似佢咁揸住千幾億美金,全揸現金都唔係好合理,我都會加返少少科技股如Microsoft同Google。另外,我黎緊2個星期會比較忙,會暫停出post。不過AI投資組合會繼續出。6月頭再見。