2021 年 9 月 19 日

美股投資頻道

#投資 #美股 #債券 #REITs #期權 #物業 #優先股

疫情免疫股 – 2020年11月12日

discovery

之前都寫過好多疫情免疫股,有傳統股票,有科技股。今日講一隻比較冷門啲既傳統股票,但係一路穩定增長,仲證明左佢既生意唔受疫情影響。

Whirlpool(WHR)係一隻歷史悠久既公司,有超過100年歷史。香港人一聽Whirlpool就覺得係2-3線牌子,好少揀佢哋既產品。但係美國同歐洲,好多人都用佢嘅家電。

講真,外國既消費者要求真係低啲,只要件貨安全,正常用得,就有人買。同埋外國人用家電比較粗心,要修理人工又貴,多數人又買左家居保險,所以過左保養期,如果家電有問題,多數換新就算。另外,穿州過省做野或讀書都好平常,變左家電生意長做長有。

我之前$110買,疫情後$120左右放左。當時覺得佢係一隻好股票,不過可能都會受疫情影響一段時間。

點知最近出既業績證明我既睇法錯晒,公司其實冇受疫情影響。相反,可能人多左時間work from home仲多左時間換家電,再加上各國政府都有救助金,外國樓市停左幾個月後又開始活躍。種種原因令到公司收入同增長都繼續升。派息10年都升左差唔多3倍。係一隻好好既傳統免疫增長股。依家雖然升左好多,但都唔貴。我自己可能會用options short put。總之跌就買啲,唔跌就收期權金。