第三次世界大戰序幕及香港封鎖 – 2022年2月24日

壞消息一個接一個,俄羅斯正式軍事入侵烏克蘭。香港關口越黎越緊,最後逃生門正在關閉。

俄羅斯同烏克蘭打仗既結果絕對影響全世界人命運。俄羅斯宣戰後,最好既結果係冇其他國家參戰而烏克蘭又成功防衛,但發生機會極細。

從實際情況睇,北約(包括美國),歐盟同英國好大機會要參戰。因為如果俄羅斯佔領到烏克蘭,而全歐洲冇人出手,歐盟太軟弱既表現會令其他中立小國投靠俄羅斯,最後將歐洲共產化。

至於烏克蘭戰爭既結果就算冇令英國或歐盟本土受軍事襲擊,物流同生活上都一定大受影響。大城市如倫敦,一旦英俄宣戰,市民生命安全會大受威脅。

如果從最好方面唸,烏俄戰爭迫到歐美英大團結一齊消滅共產主義,但戰爭難免要付慘重代價,除非美軍出動無人機斬首用黎減少傷亡。

香港方面,收到香港消息話申請passport有困難,等左2-3個月都未有得攞,官方答案係covid慢左,再慢慢等。同時間香港機場開始迫人打左針先可以去,一樣增加走難難度。

依家香港去好多地方已經冇直航,好多天才唸住搵多幾年錢要走未轉機走。但現實係去歐美大部分航線要經烏克蘭。要改航線先飛到,航班一定受影響。再加香港人護照陸續到期,又唔能夠順利續領新護照,萬一再加台海戰爭,神仙都走唔甩。

不過現實啲講,英國一樣面對俄羅斯共產主義入侵,戰鬥風險都唔會比香港低。無論身在何處,唔想做鐵鏈女,都係要終極一戰。

最後祝願大家平安!


已發佈

分類:

作者:

標籤:

留言

發佈留言